3 delivery truck nagsalpukan; 1 todas, 4 sugatan

MANILA, Philippines — Isang driver ang nasawi habang apat na iba pa ang nasugatan makaraang magsalpukan ang tatlong ­delivery truck sa Maharlika Highway, Barangay Balibad, Atimonan, ­Quezon, kamakalawa.

Sa imbestigasyon ng Atimonan-PNP, ­patungong Bicol Region ang isang truck habang nasa kabilang linya naman papuntang northbound o Manila ang dalawa pang truck.

Nawalan umano ng kontrol ang truck na ­papuntang Bicol at ­sinalpok ang paparating na dalawang truck sa kabilang linya. 

Sa lakas ng impact ay dalawang driver ng truck ang naipit sa kanilang puwesto.

Inabot ng mahigit apat na oras bago ­maialis ng mga rescuer ang mga biktima na agad dinala sa ospital, subalit sa kasamaang palad ay isa sa mga naipit na driver na nakilalang si “Brandon” ang idineklarang dead-on- arrival sa Dona Martha Hospital.