Bahay inararo ng trak: Mag-asawa, sanggol dedbol

MANILA, Philippines — Namatay noon din ang isang mag-asawa at kanilang anak na 4 buwang gulang nang araruhin ng truck ang kanilang bahay habang sila ay natutulog, naganap noon Sabado sa Siayan, Zamboanga del Norte.

Nasugatan naman ang isa pang anak na 9-anyos at kaniyang lolo.

Sinabi sa ulat na nawalan ng kontrol ang driver ng truck na may lulan na mga motorsiklo kaya nagtuloy-tuloy na inararo ang tatlong bahay na magkakatabi na kung saan ay nasapol ang mga biktima.

Nasugatan ang driver na suspek at kaniyang kapalitan sa pagmamaneho matapos makatalon mula sa truck.

Nasa kustodiya ng Siayan Police ang driver habang ang operator na may-ari ng truck ay nakikipag-ugnayan sa mga kaanak ng mga biktima.