Mga pinuno sa Pampanga inendorso si Rep. Erwin Tulfo
MANILA, Philippines — Opisyal nang inendorso ng mga pinuno ng Pampanga si Erwin Tulfo sa pagka-Senador ngayong darating na eleksyon sa Mayo nang bumisita ang buong Alyansa para sa Bagong Pilipinas slate sa Clark, Angeles City, at San Fernando nitong Miyerkules.
Ang Pampanga ay maituturing na “vote-rich” dahil sa 1.67 milyong rehistradong botante dito.
“Si Erwin Tulfo ang numero unong Senador dito sa Pampanga dahil napakarami niyang naitulong sa ating lalawigan—mula pa noong naging Sekretarya siya ng Department of Social Welfare and Development hanggang ngayon. Buong-buo ang suporta ng mga Kapampangan sa kanya, at dadalhin siya sa Senado,” ani Pampanga Vice Governor at Gubernatorial Candidate Lilia “Nanay” Pineda.
Bukod kay Nanay Pineda, nagpahayag din ng matibay na suporta sina Pampanga Governor Dennis “Delta” Pineda, Congressman Carmelo “Jon” Lazatin II, Angeles City Mayor Carmelo “Pogi” Lazatin Jr., Magalang Mayor Malu Paras-Lacson, Porac Mayor Francis Tamayo, Arayat Mayor Madir Alejandrino, Apalit Mayor Jun Tetangco, Angeles City Vice Mayor Vicky Vega-Cabigting, at ang mga Board Members ng Pampanga.
Kasama rin sa mga opisyal na nag-endorso kay Tulfo sina Floridablanca Mayor Darwin Manalansan, Guagua Mayor Tonton Torres, Lubao Mayor Esmie Pineda, Sasmuan Mayor Catalina Cabrera-Bagasina, Santa Rita Mayor Arthur Salalila, Bacolor Mayor Eduardo G. Datu, Santa Ana Mayor Norberto Gamboa, Pampanga Fourth District Congresswoman Anna York Bondoc-Sagum, Candaba Mayor Rene Maglanque, Macabebe Mayor Leonardo Flores, Masantol Mayor Jose Antonio Bustos, Minalin Mayor Philip Naguit, San Luis Mayor Jayson Sagum, San Simon Mayor JP Punsalan, at Santo Tomas Mayor John Samo.
- Latest
