Epileptic, sinumpong sa lawa, nalunod
MANILA, Philippines — Nalunod ang isang babaeng epileptic matapos na sumpungin ng kanyang karamdaman habang naghuhugas ng paa sa lawa sa Binangonan, Rizal kamakalawa.
Kinilala lamang ang biktima sa alyas na ‘Lyn’, 26, at residente ng Binangonan.
Batay sa ulat ng Binangonan Police Station, nabatid na dakong alas-8:20 ng umaga nang maganap ang insidente sa Pritil Port, sa Brgy. Libis, Binangonan.
Ayon sa kapatid ng biktima, na siyang nagreport sa pulisya ng insidente, bago ang pangyayari ay umalis ng kanilang tahanan ang kapatid, alas-5:00 ng madaling araw at nagtungo sa naturang lugar upang mamulot ng mapapakinabangang basura.
Hinala nito na posibleng sinumpong ng epilepsy ang kapatid habang naghuhugas ng paa sa lawa, na nasa tabi ng pantalan, na nagresulta upang malunod ito.
- Latest
