Higit P1 dagdag presyo sa gasolina at diesel ipatutupad sa Martes

MANILA, Philippines — Makaraan ang big-time oil price rollback nitong linggo, makakatikim naman ng biglaang pagtaas ng halaga ng ga­solina at diesel ang mga motorista na ipatutupad sa susunod na linggo.

Sinasabing nasa P1.10 hanggang  P1.40 per liter taas presyo sa diesel  habang nasa P1.30 hanggang P1.60 kada litro ang taas presyo ng gasolina.

Ang nagdaang tatlong araw na galaw sa presyuhan ng petrolyo ang sinasabing ugat ng oil price hike na sanhi bg US sanctions laban sa Iran at ang plano ng ilang bansang miyembro ng OPEC na bawasan ang  oil production.

Sa darating na Martes, inaasahang ipatutupad ang oil price adjustment.