Ex-PGMA humiling ng dasal para sa mister, anak
MANILA, Philippines — Humingi ng dasal si dating Pangulo at ngayon ay Pampanga 2nd District Rep. Gloria Macapagal Arroyo sa sambayang Pilipino na ipagdasal ang pagbuti ng kalagayan ng kaniyang maysakit na mister na sasailalim sa operasyon at anak na si Mikey.
Sa kaniyang opisyal na facebook post nitong Lunes ng gabi, sinabi ni Arroyo na ang kaniyang mister na si dating First Gentleman Jose Miguel Arroyo ay nakatakdang sumailalim sa surgery sa darating na Abril 7.
“This has been a difficult time for the family. First, my husband Mike’s dissecting aortic aneurism that required an emergency repair in 2007 is expanding again, and he will have to undergo a big surgery, combining a bypass and an aortoplasty, on April 7 to avert another emergency,” pahayag ni Macapagal Arroyo.
Samantalang tinukoy rin nito na ang kaniyang anak na si dating Pampanga Rep. Juan Miguel Arroyo ay sumailalim sa matagumpay na operasyon noong Marso 18 matapos na ma-diagnose sa stage one cancer sa thyroid.
- Latest
