2 killer ng Vice Mayor ng Cagayan, timbog

MANILA, Philippines — Matapos ang mahigit 2 taong pagtatago sa batas, nasakote ng mga operatiba ng pulisya ang dalawang suspect sa pagpatay sa Vice Mayor ng Aparri, Cagayan sa isinagawang operasyon sa Brgy. Luna, Santa Rosa, Nueva Ecija nitong Martes.

Kinilala ang mga nasakoteng suspect na sa mga pangalan lamang na Ramon, lider ng De Guzman Group, isang potensyal na Private Armed Group (PAG) sa lalawigan; George mula sa Mallorca, San ­Leonardo, Nueva Ecija.

Ayon sa opisyal ang mga suspect ang nasa likod ng pamamaslang kina Aparri, Cagayan Vice Mayor Rommel Alameda at limang iba pa sa naganap na insidente sa Brgy. Kinacao, Bagabag, Nueva Vizcaya noong Pebrero 19, 2023.

Ang mga suspect ay nahaharap sa anim na counts ng murder na walang inirekomendang piyansa para sa kanilang pansamantalang kalayaan.