Presidential appointees sa PCO, attached agencies magbitiw!
Utos ng Malacañang
MANILA, Philippines — Ipinag-utos ng Palasyo ng Malakanyang na maghain ng courtesy resignations ang lahat ng presidential appointees na nasa ilalim ng Presidential Communications Office (PCO) at attached agencies.
Sa isang memorandum na nilagdaan ni Executive Secretary Lucas Bersamin, inaatasan nito ang lahat ng ahensiya, bureas at incumbent presidential appointees na maghain ng kanilang uniqualified courtesy resignations.
Sakop ng nasabing direktiba ang lahat ng Presidential Appointees ng ahensiya, bureaus na nasa ilalim ng PCO na ang appointments ay hindi permanent at lahat ng Presidential appointees sa GOCCs na ang appointments ay bilang acting capacity gayundin ang mga nasa holdover status.
Nilinaw naman ng kautusan na hanggang walang aksyon ang Presidente o ang nakapirma sa nasabing kautusan ay itutuloy ng lahat ng incumbent ang kanilang trabaho.
Kabilang sa mga ahensiya at bureaus na nakakabit sa PCO ay ang APO production unit; Bureau of Communications Services, Intercontinental Broadcasting Corporation (IBC 13); National Printing Office; News Information Bureau; People’s Television Network Inc.; Philippine Information Agency; Philippine Broadcasting Service-Bureau of Broadcast Services; at Presidential Broadcast Staff- Radio Television Malacañang.
- Latest
