Palaka gagamitin kontra dengue sa isang barangay sa Quezon City
MANILA, Philippines — Ipantatapat ng lokal na opisyal ng Barangay Old Balara sa Quezon City ang mga palaka bilang panlaban sa tumataas na kaso ng dengue sa lungsod.
Ayon kay Crisanto Franza, Barangay Old Balara chief-of-staff, ipakakalat ang mga palaka sa barangay para kainin ang mga lamok.
Anya, nagawa na nila ito noong nagdaang mga taon at naging epektibo naman dahil bumaba ang bilang ng kaso ng dengue sa kanilang barangay.
“Mostly, lahat ‘yan nilagay namin sa mga kanal, malaking tulong din. Ang mga kinakain nyan is mga langaw, mga eggs, mga lamok. Kaya sa tingin namin, talagang nakatulong yan,” pahayag ni Franza.
Anya, 50 percent ng kaso ng dengue sa lugar ay nalipol dahil sa pagpapakawala ng mga palaka.
Una nang nagdeklara ng QC LGU ang dengue outbreak noong sabado.
- Latest
