Bata patay, magulang nawawala
Van inanod ng baha sa Palawan
MANILA, Philippines — Bangkay na nang marekober ng mga otoridad ang 6-anyos na bata na kabilang sa mga sakay ng van na tinangay ng baha sa kasagsagan ng malakas na ulan nitong gabi ng Linggo sa Inagawan Sub, Puerto Princesa South National Highway, Puerto Princesa, Palawan.
Sa kasalukuyan ay nagpapatuloy pa rin ang search and rescue operation sa mga magulang ng bata na sina Jamal Nasad, drayber, at Evelyn Nasad.
Iniulat na nawala ang mag-anak habang sakay ng van matapos itong anurin ng rumaragasang tubig-baha dahil sa malakas na ulan.
Ang van ay patungo sana sa Puero Princesa mula Rio Tuba, Bataraza at may sakay itong 12 pasahero. Nauna nang nasagip ang ibang mga pasahero.
Matatandaan na iniulat ang hanggang dibdib na baha sa malaking bahagi ng Palawan at Oriental Mindoro dahil sa epekto ng shear line at Northeast Monsoon o Amihan.
- Latest
