Babaeng Vietnamese nasagip; 3 Chinese dinakip
MANILA, Philippines — Isang babaeng Vietnamese na nasagip sa rescue operation at naaresto ang tatlong Chinese national sa isang residential resort sa Barangay Tambo, Parañaque City, kamakalawa ng gabi.
Nailigtas si alyas “Lang”, 23, turistang Vietnamese, nanunuluyan sa Shore Tower Residence, sa Pasay City, na natangayan ng milyun-milyong halaga ng pera, mga alahas at mga cellphone ng mga suspek na pawang Chinese national na kinilalang sina alyas “Jun”, 31; alyas “Hao”, 27; at alyas “Zhang”, 26, pawang private employee at nanunuluyan sa magkakahiwalay na condominium sa Parañaque at Makati City.
Nangyari ang krimen sa loob ng unit No. 114, Phase 1 Unit I. Bayshore Residence, Resort 2, Barangay Tambo, Paranaque City, alas-12:00 ng madaling araw hanggang alas 8:10 ng gabi ng Agosto 6, 2024.
Nag-ugat ang operasyon nang magreport ang security personnel ng residential resort sa Tambo Police Substation na may kidnapping umanong nangyari.
Mabilis na tinungo ng mga operatiba, sa tulong ng security personnel ang nasabing unit at nadatnan ang biktima at mga suspek na walang maipakitang passport kaya sila inaresto at nai-rescue ang biktima.
- Latest
