Police general inaresto sa kasong estafa
Quezon City court inihain ang warrant of arrest…
MANILA, Philippines — Inaresto ng kanyang mga kabaro sa kanyang opisina ang isang police general batay sa utos ng dalawang korte sa Quezon City kung saan may kinaharap na kasong syndicated estafa.
Kusang nagpaaresto si Bangsamoro Autonomous Region in Muslim Mindanao (BARMM) director Police Brig. Gen. John Guyguyon sa mga operatiba ng Criminal Investigation and Detection Group (CIDG) na naghain ng mga warrant of arrest para sa kanya mula sa Regional Trial Court Branch 104 at sa RTC Branch 91, parehong nasa Quezon City, kung saan may kinakaharap siyang mga kasong syndicated estafa.
Mismong sa tanggapan ni Guyguyon, sa headquarters ng Police Regional Office-Bangsamoro Autonomous Region (PRO-BAR) sa Camp SK Pendatun sa Parang, Maguindanao del Norte, ginawa ang pag-aresto sa kanya ng mga operatiba ng CIDG.
Pirmado ng mga huwes na sina Catherine Manodon at Kathleen Rosario Dela Cruz Espinosa ang mga hiwalay na warrant of arrest para kay Guyguyon.
Walang piyansang nirekomenda ang dalawang huwes para sa pansamantalang paglaya ni Guyguyon.
Ayon sa mga opisyal ng PRO-BAR, pansamantalang hahalili muna sa naarestong si Guyguyon ang kanyang deputy, si Police Brig. Gen. Francis Gorobia Tria. - Doris Franche-Borja
- Latest
