2 dinakip sa P2.6 milyon cocaine buy-bust
MANILA, Philippines — Inaresto ng mga otoridad ang dalawang lalaki na na umano’y nagbebenta ng cocaine sa mga disco club at pub sa Metro Manila at Angeles City sa isang buy-bust operation.
Kinilala ng Philippine Drug Enforcement Agency (PDEA), ang mga naarestong suspek na sina Aaron Nari Gidwani, 37; at Mark Paul Idhaw Pagayon, 41.
Sa ulat, alas-10:40 ng gabi nang maaresto ng mga tauhan ng PDEA Region III - Pampanga Provincial Office, PDEA CALABARZON at local police, ang mga suspek sa buy-bust operation sa harapan ng isang sikat na theme park, sa Brgy. Balibago, sa Sta. Rosa, Laguna.
Kaagad na pinosasan ang mga suspek nang bentahan nila ng 500 gramo ng cocaine na nagkakahalaga ng P2,650,000 ang mga undercover cops.
Bukod sa cocaine at marked money, nakumpiska rin mula sa mga suspek ang isang itim na Suzuki Smash motorcycle.
Nakakulong na ang mga suspek na nakatakdang sampahan ng kasong paglabag sa illegal drugs. — Ed Amoroso
- Latest
