Kelot timbog sa P8 milyong shabu
MANILA, Philippines — Isang 34-anyos na lalaki ang inaresto ng mga otoridad matapos na makumpiska sa kanya ang nasa P8 milyong halaga ng shabu sa isang drug buy-bust operation, kahapon ng madaling araw sa Lucena City, Quezon.
Kinilala ang naarestong suspek na si Andrian Saludez, motorcycle buyer and seller na itinuturing ng Philippine National Police (PNP) na isang high-value target.
Sa ulat, alas-12:24 ng madaling araw nang isagawa ang drug buy-bust operation sa Immaculada Subdivision, Brgy. Isabang ng lungsod na ito na kung saan ay nagpanggap na buyer ang isang pulis at dito ay nakuha ang tatlong pirasong plastic sachets na shabu na tumitimbang ng 375 gramo na aabot sa P8 milyon.
Sa kasalukuyan ay nasa kustodiya ng pulisya ang suspek na nahaharap sa kasong paglabag sa Sections 5 and 11 ng Republic Act 9165 o ang Comprehensive Dangerous Drugs Act of 2002.
- Latest