Big time oil price rollback kasado ngayon

MANILA, Philippines — Matapos ang magkakasunod na linggo nang pagtaas ay magpapatupad ngayong araw ang mga kompanya ng langis ng bawas-presyo sa kanilang mga produktong petrolyo.

Sa pagtataya, P2.60 hanggang P2.80 ang mababawas sa presyo ng kada litro ng diesel, samantalang maaaring umabot ng hanggang P2 ang ibababa sa gasolina.

Magugunita na sa nakalipas na linggo, nagtaas ang mga kompanya ng P1 sa diesel, P1.30 sa gasolina, samantalang P1.35 naman sa kerosene.

Ang pagtataya sa pagbaba ng mga presyo ay base sa naging paggalaw sa presyo sa pandaigdigang merkado noong Enero 30 hanggang Pebrero 2.

Ngayong 2023, uma­ngat na ng P7.20 ang kada litro ng gasolina, P3.05 sa diesel at P4.45 naman sa kerosene.