Big time LPG price hike umarangkada
MANILA, Philippines — Sa unang araw ng Pebrero ay inanunsyo ng iba’t ibang kompanya na magkakaroon ng taas-presyo sa liquefied petroleum gas (LPG) ngayong buwan.
Magtataas ng P11.20 kada kilo ang LPG ng Petron habang ang AutoLPG naman ay may dagdag na P6.25 kada litro, na epektibo simula alas-12:01 ng hatinggabi.
Ang Solane ay may sirit presyo rin sa LPG na P11.18 kada kilo na nagsimula kahapon, alas-6:00 ng umaga.
Habang Phoenix LPG Philippines Inc. ay magdadagdag din ng LPG price sa P11.20 kada kilo at ang Auto LPG naman ay P6.25 kada litro, nagsimula alas-12:01 ng hatinggabi ng Miyerkules.
Samantala, P5.50 naman ang idinagdag ng Cleanfuel sa presyo ng auto-LPG simula, alas-8:01 ng umaga.
Nabatid na ang pagmahal ng LPG ay bunsod pa rin ng pagtaas ng demand sa China dahil sa pagbubukas ng ekonomiya sa kabila ng pagtaas ng mga kaso ng COVID-19.
- Latest