49% Pinoy tiwala na gaganda ang buhay ngayong 2023
MANILA, Philippines — Nasa 49 porsyento na mga Pinoy ang naniniwala na gaganda ang kalidad ng kanilang buhay sa susunod na 12 buwan.
Ito ang lumabas sa nationwide survey ng Social Weather Stations (SWS) na isinagawa noong December 10 hanggang 14, 2022 kung saan napag-alaman din na 37 porsyento ng respondents ang nagsabing hindi ito magbabago, at limang porsyento ang nagsabing lalala pa ito, habang walong porsyento ang walang sagot.
Mas mataas ng apat na puntos ang “net personal optimism” (percentage of optimists minus pessimists) na 44 percent kumpara sa 40 percent noong October 2022 at pinakamataas mula sa pre-pandemic score na 44 percent noong December 2019, base sa polling firm.
Isinagawa ang Fourth Quarter 2022 Social Weather Survey gamit ang face-to-face interviews ng 1,200 adults (18-anyos pataas) sa buong bansa: tig-300 sa Metro Manila, Balance Luzon, Visayas, at Mindanao.
Ang sampling error margins ay ±2.8% para sa national percentages, ±5.7% para sa Metro Manila, Balance Luzon, Visayas, at Mindanao.
- Latest
