Pagbabalik ng ROTC, suportado ng DND
MANILA, Philippines — Nagpahayag kahapon ang Department of National Defense (DND) ng 100 porsyentong suporta sa pagsusulong ng Kamara at Senado na muling maisabatas ang mandatory Reserve Officers Training Course (ROTC) para maibalik ito sa mga kolehiyo at unibersidad sa bansa.
“The DND fully supports and greatly appreciates the enthusiasm of our legislators led by Sen. Ronald dela Rosa in pushing for the law and we commit to take an active part in the legislative process through our full cooperation and inputs, whenever and wherever they are needed,” pahayag ni Defense Secretary Carlito Galvez, Jr.
Ayon kay Galvez, mayroon nang panukalang konsepto ang DND, Armed Forces of the Philippines (AFP), Commission on Higher Education (CHED), at iba pang kinauukulang ahensya kung paano patatakbuhin ang programa ng ROTC sa pamamagitan ng pag-iimplimenta gamit ang tinatawag na “phased approach”.
“We will have pilot and simulation runs in selected universities, while preparing our personnel, logistical and budgetary requirements for its full implementation,” paliwanag ni Galvez.
- Latest
