4 dedo, 7 sugatan sa araro ng SUV

MANILA, Philippines — Patay ang apat katao ha­bang pito ang nasugatan nang araruhin ng isang SUV ang tricycle at kolong kolong sa Gonzaga, Ca­ga­yan, kamakalawa ng gabi.

Namatay habang gina­gamot sa iba’t ibang ospital ang mga biktima na sina Do­nato Barsatan, driver ng Kolong Kolong; mga pa­sa­hero na sina Marinet Bar­satan; Velvet Geron; at Prince Barsatan.

Sugatan naman ang pi­tong sakay ng tricycle na gi­na­gamot ngayon sa os­pi­tal.

Sa imbestigasyon ng Gonzaga-PNP, naganap  ang insidente, alas-10:30 ng gabi sa Brgy. Ipil, sa na­sabing bayan ng napa­da­an sa one way street ang SUV na mi­namaneho ni Rodolfo Batin, 56, ng Quezon, Isabela.

Dahil mabilis ang takbo ng SUV ay huminto ang tri­­­cycle at kolong kolong, su­­­balit naararo sila upang tu­­mi­lapon ang mga biktima.

Kusang sumuko si Batin sa pulisya at inihahanda ang kasong reckless impru­dence resulting in multiple homicides at physical in­juries.