^

Police Metro

Suplay ng karneng baboy sa merkado sapat

Angie dela Cruz - Pang-masa
Suplay ng karneng baboy sa merkado sapat
Meat vendors prepare their products at the Marikina Public Market on March 9, 2022
STAR / Walter Bollozos, file

MANILA, Philippines — Kahit na mataas ang demand ngayong holiday season ay sapat pa rin ang suplay ng karne ng baboy sa panahon ng Kapaskuhan at Bagong Taon.

Ayon kay  Rolando Tambago, Pangulo ng Pork Producer Federation of the Philippines Inc., hindi ku­ku­langin ang suplay ng karneng baboy dahil malaki ang imbentaryo nito na sobra pa hanggang sa unang tatlong buwan ng 2023.

Pumapalo ang farmgate price ng live hogs sa P155 hanggang P175 kada kilo. Umaabot naman sa P300.00 kada kilo ang pres­yo sa mga palengke ng pork kasim at P360.00 kada kilo ng pork liempo.

Kaya’t hinikayat ng   grupo ang pamahalaan na huwag nang palawigin ang implementasyon ng EO 171 na nagpapababa ng taripa sa mga imported na karne.

Ayon sa grupo, ang natu­rang kautusan ay hindi nakakatulong sa mga hog raisers at magsasaka.

Dulot umano ng EO 171 ay nawalan ang gob­yerno ng P12 bilyon koleksyon sa taripa sa imported products na dapat sana ang naturang pondo ay ginamit sa pagpapahusay sa mga programa ng pamahalaan sa agrikultura.

MEAT

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with