Marcos wala pang napipiling DA sec

MANILA, Philippines — Mayroon pa umanong gustong gawin si Pangulong Bongbong Marcos sa Department of Agriculture kung kaya’t wala pa rin itong na­pi­pisil na bagong ka­lihim ng DA.

Sagot ito ni Pangulo sa tanong kung mayroon na siyang napipisil para ma­ging kalihim ng ahensya matapos banggitin ni ES Lucas Bersamin na mayroong pinagpipiliang mga pangalan para sa posisyon.

Kinumpirma naman ito ni Marcos,subalit sinabing pagkatapos pa ng checklist niya ng mga kailangang gawin sa DA makapagno-nominate ng magiging susunod na Agriculture secretary.

Hindi rin binanggit ng Presidente kung ilang mga pangalan ang nasa listahan dahil nagbabago umano ito kung saan may natatanggal at may nawawala.