Suspek na may 28 kaso ng pagnanakaw, naaresto sa Pasay

MANILA, Philippines — Arestado ang isang lalaking most wanted person dahil sa 28 kaso ng pag­nanakaw sa Pasay City, noong Sabado ng gabi.

Kinilala ang akusadong si Rom­mel Ilagan, 53-anyos, liaison officer/messenger/driver, residente ng Unit 203, Building 3, MHR Buil­ding, Manggahan, Pasig City.

Sa ulat, alas-9:50 ng gabi nang ma­sa­kote ang akusado sa isinagawang One Time Big Time (OTBT) operation  ng mga tauhan ng Pasay City Police Sta­tion-Sub-Station 4, sa Y Tower, MOA Com­plex, Brgy. 76, Pasay City.

Sa pangunguna ni P/Major Jonar  Car­do­zo ng Sub-Station 4 at ng Warrant Section ay natunton ang akusado.

Nabatid sa warrant of arrest ay may ka­song 28 counts ng qualified theft through falsi­fication of commercial documents si Ilagan na inisyu ni  Judge Elisa  Sar­mien­to, Presiding Judge ng Branch 71, Pasig City.

Isa sa mga biktima ng akusado ay ang aktor at  television host na si Casey Wyatt o mas kilala bilang KC Montero na ginagamit umano ang kaniyang pirma sa mga transaksyon ng akusado upang man­lo­ko at makakolekta ng pera sa mga target na nabibiktima.