2-libong Navoteños nabiyayaan sa cash-for-work program
MANILA, Philippines — Umaabot sa 2,000 Navoteño ang nabiyayaan sa implementasyon ng cash-for-work program ng Department of Social Welfare and Development (DSWD) at ng pamahalaang lungsod ng Navotas.
Ayon kay Navotas City Mayor John Rey Tiangco, ang mga benepisyaryo ay nakatanggap ng P5,370.00 para sa 10 araw na trabaho sa iba’t ibang gawain tulad ng barangay cleanup, urban gardening, canal declogging, at coastal cleanup mula Setyembre 12-21, 2022.
“Many Navoteños still suffer from the economic impact of the pandemic, with some losing their livelihood due to rightsizing or business closure,” pahayag ni Tiangco.
“Despite the decreasing number of COVID cases, it might take our economy a while to fully recover. Providing job opportunities is just one of the ways our city government extends assistance to its constituents in this challenging time,” ayon pa sa alkalde.
Samantala, maliban sa Cash-for-Work, ang pamahalaang lungsod ay nagbukas din ng slots para sa Tulong Panghanapbuhay sa Ating Disadvantaged/Displaced Workers (TUPAD), isang programa ng Department of Labor and Employment (DOLE) sa pamamagitan ng koordinasyon sa tanggapan ni Navotas City Rep.Toby Tiangco. Nasa 700 rehistradong Navoteño solo parents ang makikinabang sa nasabing programa.
- Latest
