Bersamin bagong Executive Secretary ni Bongbong Marcos
MANILA, Philippines — Nasungkit ni dating Chief Justice Lucas Bersamin ang posisyong iniwan ni Executive Secretary Vic Rodriguez Jr., nang italaga siya ni Pangulong Ferdinand “Bongbong” Marcos Jr.
Kinumpirma ni Press Secretary Trixie Angeles ang pagkakatalaga kay Bersamin na papalit sa puwesto na iniwan ni dating Executive Secretary Vic Rodriguez na una nang nagbitiw sa puwesto matapos ang kontrobersiyal na planong pag-aangkat ng 300,000 metrikong toneladang asukal.
Nabatid na nanumpa na si Bersamin kay Pangulong Marcos kahapon ng umaga sa Malacañang at agad na sinimulan nito ang trabaho sa pamamagitan ng pagdalo sa ikasiyam na Cabinet meeting sa Palasyo.
Matatandaan na isa si Bersamin sa mga mahistrado na pumabor na ilibing sa Libingan ng mga Bayani ang ama ng Pangulo na si dating Pangulong Ferdinand Marcos Sr.
- Latest