Drug war ni Bongbong Marcos kaiba kay Duterte
MANILA, Philippines — Nakakuha umano ng aral si Pangulong Ferdinand Marcos Jr., sa “bloody drug war” ni dating Pangulong Rodrigo Duterte kaya’t iibahin naman niya ang paglaban sa droga ng kanyang administrasyon.
Isa rito na titingnan ng kanyang administrasyon ang politika sa giyera sa iligal na droga, partikular ang sindikato na nasa likod nito.
Ito ang sinabi ni Pangulong Marcos sa Asia Society forum sa Manhattan, New York na kinikilala niya ang kahalagahan ng anti-drugs program ng bansa.
Sinabi nito na “close to 4 and a half million” ang sinasabing drug addicts sa Pilipinas.
“As I come into office, you see, you cannot stop the drug war. The problem continues to exist. What we can do is to examine and learn lessons, from the experience of the past administration,” ang sinabi ni Pangulong Marcos kay dating Australian Prime Minister Kevin Rudd sa isang panayam.
Matatandaan na sa mga nakalipas na talumpati ng Pangulo ay palagi nitong sinasabi na ang kanyang drug war ay nakatuon sa rehabilitasyon.
Aniya, “The enforcement of authorities must focus on methods that start with the young ones, let us adjust our focus and let us also look at prevention.”
“For the enforcement, look I am not interested in the kid who makes P100 a week selling weed, that is not the person I want you to go after,” ang wika ng Chief Executive.
Kaugnay nito, kailangan din aniyang tingnan ang chain o tanikala ng drug supply sa bansa upang sa gayon ay matunton nila ang ugat ng problema.
- Latest
