Tapyas-presyo sa langis simula sa Martes
MANILA, Philippines — Magkakaroon ng panibagong bugso ng tapyas sa presyo ng mga produktong petrolyo simula sa Martes.
Batay sa pagtataya ng Unioil Petroleum Philippines, inaasahang magbababa ang fuel firms ng per-liter prices ng diesel ng P1.20 hanggang P1.30 simula sa Setyembre 27.
Inaasahan namang bababa ang presyo ng gasolina ng P1.50 hanggang P1.60 kada litro, habang hindi naman binanggit ng Unioil ang estimated adjustments para sa presyo ng kerosene.
Nitong linggo ay nagkaroon ng tapyas-presyo sa per-liter prices ng diesel ng P4.15 at kerosene prices ng P4.45.
Samantala, simula sa Oktubre 3, ang base fares para sa mga jeep at iba pang uri ng public transportation ay magtataas ng P1 hanggang P5 dahil sa paggalaw ng presyo ng langis.
- Latest