Banta ng COVID-19 patuloy Pangulong Marcos: State of Public Emergency palalawigin
MANILA, Philippines — Dahil patuloy pa ang banta sa COVID-19 ay palalawigin ni Pangulong Ferdinand “Bongbong” Marcos Jr. ang umiiral na State of Public Health Emergency na matatapos sa Setyembre 12.
Sinabi ni Marcos na kinausap na niya si Health Officer-in-Charge Undersecretary Maria Rosario Vergeire para sa naturang usapin.
Paliwanag ng Pangulo, kapag nasa State of Public Health Emergency ang isang bansa, maraming bansa ang nagbibigay ng bakuna kontra COVID-19.
“At kung itigil natin ‘yung state of emergency, matitigil ‘yun. But if we can change — we are looking at amending the law in terms of procurement and all of that in the middle of an emergency,” pahayag ng Pangulo.
Sinabi pa ng Pangulo na maaaring palawigin ang State of Public Health Emergency hanggang sa katapusan ng taon.
Marso 8, 2020 nang lagdaan ni dating Pangulong Rodrigo Duterte ang Proclamation Number 922 na nagdedeklara ng State of Public Health Emergency sa buong bansa dahil sa COVID-19.
- Latest
