19.99 milyon Pinoy nagsabing mahirap sila — PSA
MANILA, Philippines — Nasa 19.99 milyong Pinoy ang nagsabing sila ay mahirap noong 2021.
Ayon kay Philippine Statistics Authority (PSA) chief Undersecretary Dennis S. Mapa na ang nasabing bilang ay may pagtaas ng 18.1% kumpara sa 16.7% o may 17.67 milyong Pinoy na nagsabing sila ay mahirap noong 2018.
“This translates to around 19.99 million Filipinos who lived below the poverty threshold of about P12,030 per month for a family of five,” ayon kay Mapa. Sinabi ni Mapa na ang National Capital Region (NCR) ang nakapagtala ng may pinakamababang poverty incidence sa bansa o may 3.5% habang ang Bangsamoro Autonomous Region in Muslim Mindanao (BARMM) ang nakapagtala ng pinakamataas na poverty incidence na 37.2%.
Sa kabuuan, 10 rehiyon ang may mataas na poverty incidence noong 2021 kumpara sa naitalang record noong 2018. Ang poverty incidence sa mga pamilya ay tumaas ng 13.2% noong 2021 mula sa 12.1% noong 2018.
Mataas din anya ang bilang ng mga pamilyang kulang sa pagkain sa bansa na pumalo sa 1.04 milyon noong 2021, mas mataas ito sa 840,000 na naitala noong 2018.
- Latest