COVID-19 nangungunang sanhi ng pagkamatay sa Pinas - PSA
MANILA, Philippines — Inihayag ng Philippine Statistics Authority (PSA) na ang coronavirus disease 2019 (COVID-19) ang isa sa mga nangungunang sanhi ng pagkamatay ng mga Pinoy sa unang apat na buwan ng taon.
Ang mga rehistradong pagkamatay dahil sa COVID-19 ay umabot sa kabuuang 10,226 o 6.5 porsiyento ng total registered deaths mula Enero hanggang Abril 2022.
Batay sa klasipikasyon, ang COVID-19 virus identified at virus identified ay parehong kasama sa 15 pangunahing sanhi ng kamatayan.
Nasa ika-6 na nangu-ngunang sanhi ng pagkamatay sa bansa na may 7,692 kaso o 4.9 porsyento ng kabuuang pagkamatay ang COVID-19 virus identified habang sa virus not identified ay umabot sa 2,534 o 1.6 porsyento na ika-14 na nangungunang sanhi ng kamatayan.
Nasa 3 rehiyon ang nag-uulat ng mahigit isang libong pagkamatay sa COVID-19 na kinabibilangan ng National Capital Region (NCR) na may rehistradong 2,440 deaths or 23.9 porsyento ng total COVID-19 deaths mula Enero hanggang Abril 2022; ikalawa ang Region IV-A (CALABARZON) na may 1,521 deaths (14.9%), habang ang Central Luzonay 1,355 deaths (13.3%).
Ang BARMM ang nag-ulat ng pinakamababa o 20 lamang na registered COVID-19 deaths habang ang Quezon City naman ang may pinakamataas na nairehistrong COVID-19 deaths sa NCR na 526 sa nasabing mga buwan, sinundan ng Manila na may 396 habang ang Caloocan ay may 242 deaths.
Ang tatlong nangu-ngunang sanhi ng pagkamatay sa bansa mula Enero hanggang Abril ng 2022 ay ischemic heart disease, cerebrovascular disease, at neoplasms.
- Latest
