Malacañang ‘power broker’ nasa likod ng paninira kay ES Rodriguez
MANILA, Philippines — Nasa likod umano ng paninira kay Executive Secretary Vic Rodriguez ang isang tinaguriang Malacañang “power broker” na kinilalang si alyas Noelle matapos ang mga lumalabas na paninira sa una na nagbitiw ito sa pwesto na malinaw na isang fake news.
Si alyas Noelle umano ang naging tulay ng ilang negosyante kay Pangulong Bongbong Marcos noong nakaraang eleksyon na tinuturing ngayon na “power broker” kung saan ilan sa sinasabing juicy position na ni-lobby nito ay ang Bureau of Customs (BOC), Bureau of Internal Revenue (BIR) at Land Transportation Office (LTO).
Ayon sa source, tinuturing ngayon na power broker sa Malacañang si Noelle kung saan ilan sa sinasabing juicy position na ni-lobby nito ay ang Bureau of Customs (BOC), Bureau of Internal Revenue (BIR) at Land Transportation Office (LTO).
Ipinagmamalaki umano nito na naging masipag siya sa pagso-solicit noong nakaraang eleksyon sa mga negosyanteng gustong tumulong sa UniTeam na karamihan ay mga Chinese businessman sa Cavite.
Maraming negosyante ang pinangakuan nito na mabibigyan ng malaking projects kapalit ng hininging pera kaya naman para makontrol nito ang pagtatalaga ng mga opisyal sa gobyerno ay tinatarget niyang siraan si Rodriguez na tinuturing na “little President” sa inilunsad niyang malawakang black propaganda.
Sinabi ng source na makasisira sa administrasyon ang patuloy na presensya ni Noelle sa Malacañang dahil kilala ito na malapit sa mga negosyante at opisyal ng gobyerno na nahaharap sa ilang kontrobersiya.
- Latest