Biker nagulungan ng 2 sasakyan, utas
MANILA, Philippines — Hindi na umabot ng buhay ang isang biker matapos magulungan ng dalawang sasakyan sa tabi ng kahabaan ng Maharlika National Highway ng Brgy.Concepcion Pequeña, Naga City, Camarines Sur, kamakalawa ng hapon.
Kinilala ang nasawi na si Manuelito Sta. Ana Senson, 46, residente ng Brgy. Sua, Camaligan.
Sa ulat, alas-5:45 ng hapon magkasunod na binabagtas ang highway ng Honda City Sedan (NCI-7399) na minamaneho ni Sarah Balanlayos Sta.Ana, 31, nurse, residente ng Brgy. Sua, Camaligan at ng nagbibisikletang si Senson nang aksidenteng mabangga nang sumusunod na Toyota Lite Ace Van (TMG-671) na minamaneho ni Joel Bagadiong Perlado, 44, guro, ng Zone-3, Brgy. San Agustin, Pili.
Sa lakas nang pagkakabangga parehong nawalan ng kontrol ang kotse at van kaya’t nabangga at nagulungan nila ang nagbibisiklitang biktima.
- Latest