P2.385 million cocaine na papuntang Hong Kong nasabat sa tambutso ng motorsiklo
MANILA, Philippines — Hindi nakalusot sa mga tauhan ng Bureau of Customs (BOC) sa Ninoy Aquino International Airport (NAIA) ang isang shipment ng cocaine na itinago sa motorcycle parts na ie-export sa Hong Kong.
Katuwang ang mga tauhan ng Philippine Drug Enforcement agency (PDEA) at NAIA Drug Interdiction Task Group (NAIA-DITG), na-intercept ang shipment na idineklarang mga motorcycle mufflers, brakepads, at radiator hose.
Nang suriin ay nadiskubre ang tinatayang 445 gramo ng cocaine na may halagang P2.385 milyon na nakasilid sa loob ng tambutso.
Isang masusing imbestigasyon ang inilunsad ng BOC para makilala at madakip ang mga personalidad na nasa likod ng shipment na sa oras madakip ay sasampahan ng kasong paglabag sa RA 9165 o ang Comprehensive Drug Act at RA 10863 o ang Customs Modernization And Tariff Act (CMTA).
- Latest