Comelec officials na responsable sa nawawalang COCs, pananagutin
MANILA, Philippines — “Iimbestigahan at posibleng panagutin ang mga opisyal at tauhan nila na mapapatunayang responsable at nagpabaya sa pagkawala ng ilang mga ‘certificate of canvass (COC)’ na hindi agad naipadala sa Kongreso”.
Ito ang tiniyak ni Commission on Elections (Comelec) spokesperson John Rex Laudiangco na kung saan ay magbibigay ng kanilang testimonya ang mga sangkot na tauhan para mabatid kung ano talaga ang nangyari at dedeterminahin ang kanilang kapabayaan.
Sa inisyal na ulat, nagkaroon umano ng ‘procedural error’ sa kanilang parte partikular na sa mga Provincial Board of Canvassers.
Ipinagpaliban ng National Board of Canvassers (NBOC) ang pag-canvass ng mga boto para sa presidente at bise-presidente sa Pampanga, Sultan Kudarat, Surigao del Sur, Mandaluyong City, Sulu at Maynila dahil sa nawawalang mga COC. Muling iginiit ng opisyal na walang ebidensya na may nangyaring ‘vote shaving’ o ‘vote padding’ sa katatapos na halalan.
- Latest