Drug suspect tiklo sa higit P55 milyon shabu sa Caloocan
MANILA, Philippines — Naaresto ng mga otoridad ang isang bigtime drug pusher sa isang buy-bust operation kahapon ng madaling araw sa Caloocan City.
Kinilala ang naarestong suspek na si Tantawi Salic, alyas “Tangie”, 35 ng Phase 12, Riverside Brgy. 188 ng lungsod at nakumpiska sa kanya ang nasa mahigit P55 milyon halaga ng shabu.
Ayon sa ulat, alas-3:50 ng madaling araw nang magsagawa ang mga operatiba ng Station Drug Enforcement Unit (SDEU) ng buy-bust operation sa Riverside Phase 12, Brgy. 188, Tala at dito ay naaresto ang suspek matapos bentahan ng P70,000 halaga ng shabu ang isang pulis na umaktong buyer.
Nakumpiska sa suspek ang humigit-kumulang 8,100 grams ng shabu na nagkakahalaga ng P55,080,000, pitong foil wrapper bag, isang travel bag pack na kulay asul, isang digital weighing scale na kulay itim, dalawang tunay na P1,000 bills at 68 pirasong P1,000 boodle money na ginamit bilang buy-bust money.
Nahaharap naman ang suspek sa kasong paglabag sa RA 9165 o ang Comprehensive Dangerous Drug Act of 2002.
- Latest
