Face mask puwede nang tanggalin kung mas mababa na sa 200 ang COVID-19 case

MANILA, Philippines — Maaari nang tanggalin ng publiko ang pagsusuot ng face mask kung mas mababa na sa 200 ang kaso ng COVID-19 sa bansa.

Sinabi ni Dr. Rontgene Solante ng Vaccine Expert Panel ng Department of Science and Technology na kung magtutuluy-tuloy ang pagbaba ng kaso sa susunod na dalawa hanggang tatlong buwan ay posibleng hindi na maging mandatory ang face mask.

Malaking bagay aniya ang pagsu­suot ng face mask sa pagkontrol sa pandemic na naging mabisa upang hindi kumalat ang Omicron variant.