Jobless Pinoys lumobo noong Pebrero
MANILA, Philippines — Iniulat ng Philippine Statistics Authority (PSA) na dumami noong nakaraang Pebrero ang bilang ng mga Filipino na walang trabaho,
Ayon kay National Chief Statistician Dennis Mapa, na sa panahon na iyon marami ang naghanap ng trabaho ngunit nabigo dahil limitado pa rin ang bilang ng mga nagbukas na negosyo dahil sa protocols at restrictions.
Noong Pebrero, dagdag pa ni Mapa, dumami ang naghanap ng mapapasukan, 1.94 milyon, mula sa 1.16 milyon sa buwan na sinundan.
Ibinahagi na noong Pebrero, 3.13 milyon ang walang trabaho sa bansa para sa unemployment rate na 6.4 porsiyento.
Mataas ito sa 2.93 milyon na naitalang walang trabaho noong Enero.
Ngunit mababa naman ito sa 4.19 milyon noong Pebrero 2021.
Pinakamababa pa rin maituturing ang 6.4% unemployment rate sa pinakamataas na 17.6% o 7.3 milyon noong Abril 2020.
- Latest
