Peak ng COVID-19 surge, aabot pa ng pebrero - DOH
MANILA, Philippines — Posibleng umabot pa sa unang linggo ng Pebrero ang peak ng kaso ng COVID-19.
“Base sa projections... ang peak ng mga kaso, it’s not going to happen soon... towards end of January or even as late as second week of February,” ayon kay Health Undersecretary Maria Rosario Vergeire.
Kaya’t inirekomenda ng DOH na iprayoridad ang mga health workers, mga matatanda at mga taong may comorbidities sa COVID-19 testing upang mabigyan kaagad sila ng tamang medisina sa maagang panahon.
Ikinukonsidera naman ngayon na “COVID probable” ang mga indibidwal na may sintomas ngunit hindi pa naisasailalim sa COVID-19 test dahil pareho rin umano ang pamamahala sa COVID positive at probables na parehong dapat i-isolate.
Inamin ni Vergeire na hindi magagawang pigilan ng pamahalaan ang pagkalat ng coronavirus ngunit maaari namang maghanda sa pamamagitan ng paglalaan ng mas maraming higaan at intensive care unit beds sa mga pagamutan.
- Latest