20,579 ex-rebels tumiwalag na sa CPP-NPA-NDF mula 2016
MANILA, Philippines — Umabot na sa 20,579 dating mga rebeldeng New People’s Army (NPA) ang tumiwalag na mula pa noong 2016.
Ito ang inihayag ni Defense Undersecretary and Task Force Balik Loob (TFBL) chair Reynaldo Mapagu na nasa 20,579 dating mga rebelde ang iniwan dahil sa maayos na “whole-of-nation approach” ng National Task Force to End Local Communist Armed Conflict (NTF-ELCAC).
Ayon kay Mapagu, mula nang maging presidente si Pangulo Rodrigo Roa Duterte naitala ang kabuuang bilang na sumuko kasama ang 5,262 NPA Fighters, 3,414 miyembro ng Militia ng Bayan, ‘7,626 mass supporters at 2,224 ‘underground mass organization members’.
Ibinunyag din ng mga nagsisuko ang “51 NPA arms caches nationwide” na nakarekober ng 245 mga armas at 100 improvised explosive devices (IEDs) at anti-personnel mines (APMs).
Anya, ang pagkakadiskubre sa mga armas na ito ay nagpapatunay na humihina na ang bilang ng NPA, na resulta naman ng pagsisikap ng NTF-ELCAC, at patuloy na military at police operations at maging ng Enhanced Comprehensive Local Integration Program o E-CLIP na ‘flagship program’ ng pamahalaan para sa integrasyon ng mga dating CPP-NPA-NDF.
- Latest
