Mahigit 70K inmates bakunado na vs COVID-19
MANILA, Philippines — Mahigit 70,000 inmates o sa buong bansa ang nabakunahan na laban sa COVID-19.
Ayon kay Bureau of Jail Management and Penology (BJMP) spokesperson Xavier Solda, batay sa kanilang tala ay 74,730 inmates na o may 60% ng kabuuang 123,848 PDLs sa may 472 piitan sa bansa ang naturukan na ng COVID-19 vaccines.
Tiniyak rin ni Solda na tuluy-tuloy ang gagawin nilang pagbabakuna upang matiyak na maging ang mga bilanggo at mga tauhan ng BJMP ay protektado rin laban sa virus.
Iniulat rin ni Solda na nakapagtala na ang BJMP ng kabuuang 4,595 COVID-19 cases na kung saan 4,404 na ang nakarekober habang mayroon pang 72 inmates ang kasalukuyan pang binabantayan sa mga COVID Center facilities ng BJMP.
- Latest