Bentahan ng lotto tickets sa Metro Manila, sinuspinde
MANILA, Philippines — Sinuspinde muna ng Philippine Charity Sweepstakes Office (PCSO) ang bentahan ng lotto tickets at iba pang digit games sa Metro Manila simula ngayong araw kasabay nang pagpapairal ng enhanced community quarantine (ECQ).
Pero, sinabi rin naman ng PCSO na tuloy ang bentahan ng tickets sa iba pang rehiyon sa bansa na hindi naman isasailalim sa ECQ.
Ipagpapatuloy rin naman ng PCSO ang kanilang lotto draws na isinasagawa sa kanilang punong tanggapan sa Shaw Boulevard, Mandaluyong City.
“However, the conduct and airing of lottery draws for nationwide Lotto and Digit games at the PCSO Main Office have been approved for continued operation by the IATF (Inter-Agency Task Force for the Management of Emerging Infectious Diseases) pursuant to the Omnibus Guidelines on Community Quarantine Classification in the Philippines,” anang PCSO sa isang anunsyo nitong Huwebes.
Ang ECQ ay magsisimulang umiral sa Metro Manila ngayong Biyernes Agosto 6 hanggang Agosto 20.
- Latest
