Sa ipatutupad na ECQ sa NCR 1 lang sa pamilya ang pwedeng lumabas!
MANILA, Philippines — Gaya ng unang ipinatupad na lockdown o enhanced community quarantine (ECQ) sa National Capital Region (NCR) sa unang pagtama ng COVID-19 sa bansa ng nakalipas na taon, asahan nang isa lang sa miyembro ng pamilya ang pahihintulutang makalabas ng bahay para bumili ng pagkain at iba pang pangangailangan sa loob ng dalawang linggo na magsisimula sa Agosto 6.
“Simula ng ECQ, maaaring isa lang ang hahayaang lumabas para makakuha ng pangangailangan sa kanilang mga bahay (At the start of ECQ, maybe one person will be allowed to leave their homes to buy essentials),” ayon kay National Task Force (NTF) against COVID-19 spokesperson Restituto Padilla Jr. sa Laging Handa public briefing kahapon.
“Ang ating hinahangad na limitahan muna ang paggalaw ng ating mga kababayan nang sa ganon ang transmission ng bagong mutation ng COVID-19 ay mapigil,” ani Padilla.
Tiniyak ni Padilla na bago magsimula ang ECQ, ilalabas ang guidelines kaugnay sa cash aid, public transportation, at paggalaw ng mga tao sa panahon ng 2-linggong hard lockdown.
Papayagan lamang sa ilalim ng ECQ ang essential trips at services, habang ang GCQ with heightened restrictions at additional restrictions protocol ay tinanggal na ang indoor at al fresco dining kaya’t maari na lamang ang take-out.
Una nang pinakinggan ng IATF ang naging rekomendasyon ng Metro Manila Council para sa mas mahigpit na quarantine status sa NCR.
Related video:
- Latest
