‘Di bakunado pwedeng lumabas — PNP Chief
MANILA, Philippines — “Hindi nila pipigilang lumabas ang mga taong hindi pa nababakunahan laban sa COVID-19.”
Ito ang sinabi ni Philippine National Police (PNP) Chief Police General Guillermo Eleazar na taliwas sa naging pahayag ni Pangulong Duterte na manatili na lang sa loob ng kanilang mga tahanan ang mga ayaw magpabakuna.
Paliwanag ni Eleazar, ang sinabi ng Pangulo ay paraan lamang upang kumbinsihin ang lahat na magpabakuna bilang proteksiyon sa COVID-19.
Sinabi ni Eleazar na marami pa rin ang nagdududa sa bakuna, subalit ito lamang sa ngayon ang posibleng solusyon bukod pa sa mga health protocols ang makaiwas sa virus.
Nanawagan naman si Eleazar sa mga tumatanggi pa rin na magpabakuna, na makinig sa payo ng mga health experts na epektibo ang bakuna laban sa COVID-19, kabilang ang Delta variant.
- Latest
