Gordon na ‘fully-vaccinated’ nagpositibo sa COVID-19
MANILA, Philippines — Nagpositibo si Sen.Richard Gordon sa COVID-19 at kasalukuyan siyang naka-quarantine sa kanilang bahay.
Nilinaw ng Senador na nabakunahan siya at ang kanyang asawa kontra COVID-19 at asymptomatic siya.
Nakakatulong naman umano sa maayos niyang kondisyon ang pagiging kumpleto niya ng bakuna ng AstraZeneca.
Wala umanong sintomas si Gordon, subalit pinasuri siya ng kanyang doktor kamakalawa ng gabi matapos na mapansin na matamlay at hindi kasing sigla ng karaniwan at kahapon ng umaga, lumabas ang resulta ng molecular laboratory na nagsasabing positibo siya sa COVID-19.
Hindi naman umano alam ng Senador kung saan nakuha ang virus dahil negatibo naman ang lahat ng kanyang staff maging ang kanyang maybahay na kasabay niyang sinuri kamakalawa ng gabi.
Si Gordon ang pang-anim na senador na kumpirmadong nagpositibo sa COVID-19 virus. - Mer Layson
- Latest
