13 beauty products may taglay na lason
MANILA, Philippines — Binalaan kahapon ng Food and Drug Administration (FDA) ang publiko kaugnay sa mga produktong pampaganda na nagtataglay ng ‘ammoniated’o inorganic Mercury na magdudulot ng pagkasira ng kidney, skin rashes, skin discoloration, pagpepeklat, at skin resistance laban sa bacteria at fungal infections.
Tinukoy ng FDA ang mga produktong Glow Skin White Brightening Cream; Glow Skin White-Sun Care; RZAC Beauty Creme 2;Deeja Cosmetic Laika Cream; DNARS Gold Lifting Serum (Night); Sparkle Sun Day Cream; Qeziger Age-Locking Rechargong Spot A, AM Cream; Mis SkinZ Night Cream; Beauty Sleep Nite Cream; Zuya SkinCare Night Treatment A Cream; Esturmeric Cream; Deeja Cosmetic Laila Cream; De Luxe Beauty-Ultra Lightening Cream Pearl Perfect Fairness.
Ang mga nasabing produkto ay nasuri na positibo sa Mercury ng National Pharmaceutical Regulatory Agency sa Malaysia.
Ayon sa ASEAN post marketing alert system (PMAS) na hindi pinapayagang maging sangkap ng cosmetic ang Mercury, alinsunod sa Asean Directive Cosmetic (ADC).
- Latest