Tinedyer, tiyahin tiklo sa higit P136 milyong shabu
MANILA, Philippines — Isang 16-anyos na binatilyo at kanyang tiyahin ang naaresto ng mga otoridad sa isang buy-bust operation kamakalawa sa Brgy. Molino 4, Bacoor City, Cavite.
Kinilala ni PDEA Director General Wilkins Villanueva ang mga nadakip na sina Michelle Castro, 39-anyos, may-asawa, walang trabaho, residente ng Block 14 Lot 24 Phase 1, Avida Settings, Brgy. Molino, Bacoor City, Cavite at kasama nito sa bahay na isang 16-anyos na binatilyo.
Base sa ulat, pasado 10:00 ng umaga nang isagawa ang drug operation mismo sa bahay ng mga suspek.
Isang PDEA agent ang bumili ng shabu at nang magkaabutan ay dito na dinakma ang dalawa.
Nakumpiska mula sa mga suspek ang 20 kilo ng shabu na may halagang P136,000,000, dalawang unit ng Samsung Basic Phone na gamit sa pakikipagtransaksyon sa mga parukyano ng mga ito at buy-bust money.
Nakapiit na ang dalawa at nahaharap sa kasong paglabag sa RA9165 o ang Comprehensive Dangerous Drug Act of 2002.
- Latest
