Bagyong Fabian lumabas na sa PAR
MANILA, Philippines — Lumabas na sa Philippine area of responsibility (PAR) ang bagyong Fabian pero patuloy pa ring makakaranas ng mga pag-ulan sa Luzon at bahagi ng Western Visayas dahil sa epekto ng habagat.
Pinalalakas ni Fabian ang habagat na siyang nagdudulot ng mga pag-ulan sa susunod na 24 oras partikular sa Ilocos region, Cordillera Administrative Region, Metro Manila, malaking bahagi ng Central Luzon, Calabarzon, Mimaropa at bahagi ng Western Visayas.
Magdudulot din ng malakas na pag-ulan dahil sa habagat sa buong Zambales at Bataan habang katamtaman na minsa’y malakas na pag-ulan ang mararansan sa Metro Manila, Ilocos Region, Abra, Benguet, Tarlac, Pampanga, Cavite and Batangas gayundin sa Laguna, nalalabing bahagi ng Cordillera Administrative Region, Bulacan, Mindoro provinces, Marinduque, Romblon, northern Palawan kasama na ang Calamian at Cuyo Islands, Antique at Aklan.
Dulot ng mga pag-ulan na dala ng bagyong Fabian at epekto ng habagat ay binaha ang maraming lugar sa Luzon lalo na sa Metro Manila.
- Latest