Duterte ‘di tatalakayin sa SONA ang plano sa 2022 electons
MANILA, Philippines — Hindi tatalakayin ni Pangulong Rodrigo Duterte sa kanyang huling State of the Nation Address (SONA) ang kanyang plano para sa 2022 elections.
Ito ang pahayag ni Presidential spokesperson Harry Roque kaugnay sa huling SONA ni Duterte sa Lunes, Hulyo 26, dahil ang mahalaga ay mailatag ang roadmap sa huling taon ng Pangulo sa puwesto.
Nauna nang sinabi ni Roque kamakalawa na nagpapraktis na ang Pangulo para sa kanyang huling SONA at ito mismo ang nagbabago ng kanyang speech.
Idinagdag ni Roque na makakasama sa SONA ang nangyari sa nakalipas na limang taon nang panunungkulan ng Pangulo.
Nakatitiyak din si Roque na mababanggit sa SONA kung nasaan na ang bansa.
Pagtutuunan din aniya ng pansin ang “pag-unlad ng bayan, social programs, infrastructure, peace at security, at foreign policy.
- Latest
