GCQ pa rin ang Metro Manila hanggang Hulyo 15
MANILA, Philippines — Mananatili sa general community quarantine (GCQ) ang Metro Manila mula Hulyo 1 hanggang Hulyo 15.
Ito ay matapos aprubahan ni Pangulong Rodrigo Duterte ang rekomendasyon ng Inter-Agency Task Force (IATF) for the Management of Emerging Infectious Diseases.
Bukod sa NCR inilagay sa GCQ “with some restrictions” ang Rizal at Bulacan, samantalang ang Laguna at Cavite ay GCQ “with heightened restrictions.”
Iiral din ang GCQ mula Hulyo 1 hanggang Hulyo 15 sa Batangas, Quezon, Baguio City, Ifugao, Santiago City, Isabela, Nueva Vizcaya, Quirino, Guimaras, Aklan, Bacolod City, Negros Occidental, Antique, Capiz, Zamboanga Sibugay, Zamboanga City, Iligan City, General Santos City, Sultan Kudarat, Sarangani, Cotabato, South Cotabato, at Cotabato City, Agusan del Norte, Surigao del Norte at Agusan del Sur.
Inilagay naman sa mas mahigpit na modified enhanced community quarantine o MECQ ang mga siyudad ng Butuan, Davao, Iloilo, Naga, Lucena, Cagayan de Oro, at Puerto Princesa.
Nasa MECQ rin hanggang Hulyo 15 ang mga probinsiya ng Cagayan, Apayao, Bataan, Negros Oriental, Zamboanga del Sur, Zamboanga del Norte, Davao Oriental, Davao Occidental, Davao de Oro, Davao del Sur, Davao del Norte, Dinagat Islands, at Surigao del Sur.
Ang nalalabing bahagi ng Pilipinas ay inirekomendang ilagay sa modified general community quarantine (MGCQ) kung saan pinapayagan ang normal na operasyon ng mga negosyo basta’t sumusunod sa health protocols.
- Latest