Manhunt ops sa mga NPA na pumatay kay Absalon paigtingin! — PNP Chief
MANILA, Philippines — “Paigtingin ang manhunt operation.”
Ito ang iniutos ni PNP chief Police General Guillermo Eleazar sa mga rebeldeng NPA na pumatay kay Far Eastern University football player Kieth Absalon at pinsan nito.
Giit ng PNP chief na ang pagkadakip sa mga ito ay papawi sa takot ng mga residente ng Masbate City sa Communist Party of the Philippines-New People’s Army (CPP-NPA).
Nangako rin si Eleazar na gagawin ang lahat upang mabigyan ng hustisya ang mga biktima sa pamamagitan ng agresibong operasyon ng pulisya.
Naisampa na ang kasong murder sa mga suspek na sina: Eddie Rosero o “Ka Star”; Lara Lagac o “Ka Ivan/Kian”; Sonny Diamos; Eddie Basical Eser o “Ka Nono”; Mario Esparaguerra o “Ka Mayong”; Capitalio Mallo o “Ka M.I.”; Diolito Medina o “Ka Michael/Uno”; Arlene Salazar; Rance Lloyd Mores; Escorel Ronel Plana Rodio @Ka Moting; Jomar Tugbo o “Ka Alden”; Jemuel Dublin Allan; Goyala Dolores Bilibit y Rapsing o “Ka Oyeng”; Jhun Bilibit y Rapsing o “Ka Paka”; Lenie Cabarles o “Ka Onang”; Richard Laurio o “Ka Nonem”; Rolly Hermina; Jesmar Noel Jesmar o “Ka Jesmar”; Marla Cañete Suson; Maila Cañete Suson; Gilbert Turing; Allan Uling.
Habang naaresto na si Mariel Cañete Suson, 45.
Magugunita na nitong Hunyo 6 nang masabugan ng landmine at pagbabarilin sina Absalon at kanyang pinsan na dahilan ng pagkamatay ng mga ito habang isa pa ang sugatan.
- Latest