Balikbayang Pinoy na fully vaccinated sa bahay i-quarantine

MANILA, Philippines — “Sa bahay na lamang mag-quarantine ang mga Pinoy na fully vaccinated na nagbalik sa PIlipinas”.

Ito ang iminungkahi ni Senador Richard Gordon sa Inter-Agency Task Force (IATF) dahil maliban sa

magastos pa ang 14-day hotel quarantine ay mauubos din ang kanilang bakasyon sa halip na makapiling na ang kanilang mga mahal sa buhay.

Inihalimbawa ng Senador ang naging karanasan ng isa niyang dating staff na umuwi mula sa Spain at nanuluyan sa isang hotel bago na swab makalipas ang isang linggo.

Pagkatapos ng dalawang araw at nakalabas na sa hotel ay agad din bumalik sa Spain sa ika-10 araw.

Iginiit ni Gordon na dapat hayaan na ng IATF ang local government units (LGUs) na magpatupad ng kanilang sariling polisiya para sa mga nababalik bansa na mga Pinoy.